ՄԵՐ ՄԱՍԻՆ ''ՓՐԿՈՒԹՅՈՒՆ'' ՀԱՇՄԱՆԴԱՄ ԵՐԵԽԱՆԵՐԻ ԵՎ ԵՐԻՏԱՍԱՐԴՆԵՐԻ ԿԵՆՏՐՈՆ ՀԿ-ն ՀՀ Արդարադատության նախարարության 40/2-2 որոշմամբ գրանցվել է 17.10.1997թ-ին: Երեւանի Շենգավիթ համայնքի թաղապետարանի 18.12.1999. թիվ 30 որոշմամբ "ՓՐԿՈՒԹՅՈՒՆ" Հկ-ին իր ծրագրերը իրականացնելու համար թիվ 298 մանկապարտեզի ընդհանուր տարածքից անվարձահատույց հատկացվել է 700քմ. տարածք (Չեխովի 33 - մուտքը Մանանդյան փողոցից): Առաքելություն Նպաստել հաշմանդամ երեխաների և երիտասարդների, ինչպես նաև նրանց ընտանիքների սոցիալական, կրթական եւ առողջապահական հիմնախնդիրների լուծմանը` ուսուցման, խորհրդատվության, քարոզչության, բուժ.ծառայությունների տրամադրման, ինչպես նաեւ միջնորդավորման եւ հումանիտար օգնության միջոցովª իրականացնելով նրանց լիարժեք ինտեգրումը հասարակության մեջ: Նպատակներ Նպաստել հաշմանդամ երեխաների և երիտասարդների ինտեգրմանը` կրթական և սոցիալ-մշակութային ծրագրերի միջոցով: Նպաստել հաշմանդամ երեխաների և երիտասարդների (մասնավորապես մտավոր խնդիրներ ունեցող) մասնագիտական որոշակի հմտությունների ուսուցմանը և ձեռքբերմանը ( ցերեկային խնամքի և առօրյան կազմակերպող կենտրոնի ծրագրի շրջանակներում): Քարոզարշավի միջոցով նպաստել հասարակության իրազեկման բարձրացմանը` հաշմանդամների ( մասնավորապես մտավոր խնդիրներ ունեցող) հիմնախնդիրներին և կարողություններին, ինչպես նաև նրանց իրավունքների մասին: Նպաստել հաշմանդամ երեխաների և երիտասարդների բուժօգնության կազմակերպմանը` ըստ նրանց կարիքների: Նպաստել հաշմանդամ երեխաների և երիտասարդների հոգևոր և մշակութային զարգացմանը` տարբեր միջոցառումների կազմակերպման միջոցով, որոնց կմասնակցեն առողջ երեխաները: "Փրկություն" ՀԿ-ն անդամակցում է Հաշմանդամություն ունեցող անձանց հարցերով զբաղվող մարզային (Երևան քաղաքի) հանձնաժողովին Երեխաների պաշտպանության ՀՀ Ազգային ցանցին, "Հաշմանդամ մարդկանց շահերի պաշտպանության" դաշինքին: "Փրկություն" ՀԿ-ն համագործակցում է պետական և ոչ պետական հիմնարկությունների, անհատների, ինչպես նաև տեղական և միջազգային կազմակերպությունների հետ: ՀԿ-ի գործունեությունը խրախուսվում և գնահատվում է տարբեր պետական ատյանների կողմից, որի արդյունքում կենտրոնը պարգևատրվել է տարբեր շնորհակալագրերով և պատվոգրերով, իսկ 2007 թ. ընթացքում երկու անգամ արժանացել է ՀՀ Վարչապետի շնորհակալագրերին: Փրկություն" հաշմանդամ երեխաների և երիտասարդների կենտրոնի պատվավոր անդամներն են` Մարտին Գրիգորի Սարգսյան /Շենգավիթի թաղապետ1998-2007թթ/ - 1999թ-ից Ջորջ Պետրոսի Աբելյան /Ատամնաբուժարանի հովանավոր/ - 2005թ-ից Արբակ Ռուբենի Աբրահամյան /Շենգավիթի թաղապետի տեղակալ/ - 2006թ-ից "Փրկություն" ՀԿ-ի նախագահն է Արփենիկ Հրաչի Աբրահամյանը, աշխատակազմը 30 հոգի է` շահառուների հետ աշխատող մասնագետներ և խմբավարներ, բժշկական և վարչատնտեսական անձնակազմ: